తెలుగునేల మనది ! తెలంగాణ మనది ! సీమాంధ్ర మనది !

తెలుగునేల మనది !
తెలంగాణ మనది.. సీమాంధ్ర మనది..

ఇక్కడున్నా.. అక్కడున్నా ..ఎక్కడున్నా
తెలుగునేల మనది ... తెలుగునాడు మనది

జన్మజన్మల జనావళి విబేధాలు
నీరుగారిన గతజలసేతు బంధనాలు

యుగయుగాలుగా వెలుగుతున్న తెలుగు జ్యోతి మనది
మూడు తెలుగునాడులు కలిసిన తెలుగునేల మనది

మహాభారతం పుట్టింది రాజమహేంద్రవరంలో
భాగవతం జనించింది ఏకశిలానగరంలో
అష్ఠదిగ్గజాల భువనవిజయం రాయలసీమలో

ప్రాంతాలు వేరైనా మన జన్మ సంస్కృతి ఒక్కటే
దూరాలు వేరైనా మన భాష తెలుగు ఒక్కటే

ఇక్కడున్నా.. అక్కడున్నా ..ఎక్కడున్నా
తెలంగాణ మనది...తెలుగునాడు మనది !