“యస్పీచారి” అనే నా పేరుమార్పు వెనుక కథ !

నిత్య జీవితంలో గత రెండు దశాబ్దాలుగా నా పేరు “యస్పీచారి” గా పిలువబడుతోంది. కాని మా ఇంట్లోనూ, బందువర్గాల్లోనూ నన్నిప్పటికీ “పురుషోత్తం” అనే పిలుస్తుంటారు. అయితే విద్యార్థి దశలో నా పేరు “యస్.పురుషోత్తమా చారి”గా నమోదు చేయ బడింది. ఇంతకీ నా అసలు పూర్తి పేరు “శేషం పురుషోత్తమా చార్య” . కాని ఆ పేరుని పూర్తిగా కుదించివేసి ‘నేటి వర్ధమాన నవలా రచయిత’ “యస్పీచారి” అంటూ నన్ను ప్రాచుర్యంలోకి తీసుకు వచ్చిన ఘనత మాత్రం ఆంధ్ర భూమి వారపత్రిక సంపాదకులు కీ.శే. శ్రీ సి.కనకాంబర రాజు గారికే చెందుతుంది. ఆ రకంగా నిలిచిపోయిన ఈ “యస్పీచారి” అనే పేరుమార్పు వెనుక జరిగిన సంఘటనని మీకు వివరిస్తున్నాను. అదీ ప్రచురించబడిన ఈ క్రింది కథన రూపంలో.....